Azərbaycan millisi İsrail yığması ilə oyuna hazırlaşır
Bakı, 28 avqust, AZƏRTAC
İyirmi bir yaşadək futbolçulardan ibarət Azərbaycan yığması Avropa çempionatının seçmə mərhələsində avqustun 31-də ilk oyununu keçirəcək. Yığmamız səfərdə İsrail komandası ilə qarşılaşacaq.
AZƏRTAC AFFA-ya istinadla xəbər verir ki, oyuna hazırlıq məqsədilə millimiz təlim-məşq toplanışına başlayıb.
Heyətdə Fəhmin Muradbəyli, Elnur Cəfərov (hər ikisi “Neftçi”), Eltun Turabov, Elgün Uluxanov (hər ikisi “Qarabağ”), Xəyal Nəcəfov, Ehtiram Şahverdiyev, Bəhlul Mustafazadə (hər üçü “Sumqayıt”), Yusif Nəbiyev (“Zirə”), Oleq Hüseynov, Taşkın Sertan, Vüqar Həsənov, Əlibəy Məmmədli (hamısı “İnter”), Qismət Alıyev (“Qəbələ”), İlkin Sadıqov, İlyas Səfərzadə (hər ikisi “Kəpəz”), Aydın Bayramov (MOİK), Əmirhüseyn Nəcəfi (“Səbail”), Alen Askerov (“NK Novigrad”, Xorvatiya), Onur Albayrak (“Hobro IK”, Danimarka), Ozan Can Kokcu (“Bursaspor”, Türkiyə), Serkan Baloğlu (“Ştutqart”, Almaniya) və Mustafa Özhitay (“SSV Ulm 1846”, Almaniya) yer alıblar.
Bölmənin digər xəbərləri
