AZƏRBAYCAN QADINLARININ III QURULTAYI İŞƏ BAŞLAMIŞDIR
AZƏRTAC xəbər verir ki, sentyabrın 26-da Bakı İdman Sarayında Azərbaycan qadınlarının III qurultayı işə başlamışdır.
Azərbaycanda fəaliyyət göstərən xarici ölkələrin səfirlərinin, beynəlxalq təşkilatların nümayəndələrinin də iştirak etdikləri qurultayı Ailə, Qadın və Uşaq Problemləri üzrə Dövlət Komitəsinin sədri Hicran Hüseynova açmışdır.
Azərbaycanın Dövlət himni səslndirilmişdir.
Prezidentin İcra Aparatının humanitar siyasət məsələləri şöbəsinin müdiri Fatma Abdullazadə Azərbaycan Prezidenti İlham Əliyevin qurultay iştirakçılarına təbrik məktubunu oxumuşdur.
Sonra Azərbaycanın birinci xanımı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban Əliyeva qurultayda çıxış etmişdir.
Qurultayın işçi orqanları - katiblik, mandat və redaksiya komissiyalarının tərkibi seçilmişdir.
Beynəlxalq təşkilatların rəhbərlərinin qurultaya videomüraciətləri nümayiş etdirilmiş, qurultaya ünvanlanmış təbriklər oxunmuşdur.
Sonra Azərbaycanda dövlət qadın siyasətinə dair sənədli film göstərilmişdir.
1600 nümayəndənin iştirak etdiyi tədbirdə respublikamızın bölgələri ilə canlı bağlantılar olacaq, Ailə, Qadın və Uşaq Problemləri üzrə Dövlət Komitəsinin sədri Hicran Hüseynovanın və mandat komissiyasının məruzələri dinləniləcəkdir.
Bölmənin digər xəbərləri
