AZƏRBAYCAN QAZ EMALI ZAVODUNA 190 MİLYON KUBMETR TƏBİİ QAZ TƏHVİL VERİLMİŞDİR
Dövlət Neft Şirkətindən AZƏRTAC-ın müxbirinə verilən məlumata görə, zavoda 130,2 milyon, yəni nəzərdə tutulandan 28,8 milyon kubmetr artıq qaz verən “Azneft” İstehsalat Birliyinin neft-qazçıxarma müəssisələri aylıq proqnoza 128,4 faiz əməl etmişlər.
Azərbaycan Beynəlxalq Əməliyyat Şirkəti (konsorsium) isə fevralda zavoda 59,8 milyon kubmetr qaz təhvil verməklə, aylıq tapşırığı 104,9 faiz yerinə yetirmişdir.
Xatırladaq ki, zavod cari ilin yanvar-fevral aylarında “Azneft” İB-dən, eləcə də konsorsiumun subyektlərindən ümumilikdə 388,9 milyon kubmetr qaz almışdır. İki aylıq təhvil proqnozunu “Azneft” 123,3, konsorsium isə 110,5 faizə çatdırmışdır.
Bölmənin digər xəbərləri
