AZƏRBAYCAN ŞAHMATÇILARI “MAKKABİ” BEYNƏLXALQ ŞAHMAT TURNİRİNDƏ UĞURLU START GÖTÜRMÜŞLƏR
AZƏRTAC xəbər verir ki, Bakıda uşaqlar və böyüklər arasında davam edən “Makkabi” beynəlxalq şahmat turnirində 3-cü tura yekun vurulmuşdur.
Xatırladaq ki, İsveçrə sistemi üzrə keçirilən turnirdə şahmatçılar uşaqlar (1994-1999-cu il ) və böyüklər olmaqla iki yaş qrupunda mübarizə aparırlar.
Azərbaycan şahmat məktəbinin yetirməsi Rəvan Kərimli bütün görüşlərini qələbə ilə başa çatdırmışdır. Hazırda həmyerlimiz yarışın yeganə lideridir.
Böyüklərin turnirində isə hər biri 2 xal toplamış Azərbaycan şahmatçısı Fariz Əhmədov və Ukrayna nümayəndəsi Mixail Qerasemenyuk başçılıq edirlər.
Turnirdə ilk 3 yeri tutan idmançılar qiymətli hədiyyələrlə mükafatlandırılacaqlar.
Bölmənin digər xəbərləri
