Azərbaycan Türkiyədə keçiriləcək beynəlxalq turizm sərgisində təmsil olunacaqdır
Bakı, 7 fevral (AZƏRTAC). Azərbaycan fevralın 9-12-dək İstanbulda keçiriləcək EMİT sərgisində təmsil olunacaqdır.
Mədəniyyət və Turizm Nazirliyinin turizm şöbəsindən AZƏRTAC-a bildirmişlər ki, beynəlxalq sərgidə ölkəmizin turizm potensialı icarəyə götürülmüş 60 kvadratmetrlik pavilyonda nümayiş etdiriləcəkdir. Burada ölkəmizin görməli yerləri, mədəni-tarixi abidələri, mehmanxana və turizm obyektləri xüsusi reklam çap məhsulları vasitəsilə təbliğ olunacaqdır.
Sərgidə Mədəniyyət və Turizm Nazirliyi turizm şöbəsinin əməkdaşları, Azərbaycan Dövlət Mahnı və Rəqs Ansamblının 4 nəfər üzvü, ölkəmizdə fəaliyyət göstərən 7 turizm şirkətinin nümayəndələri iştirak edəcəklər.
Bölmənin digər xəbərləri
