Azərbaycan UEFA-nın reytinqində 2022/2023-cü il mövsümü üçün xal hesabını açıb
Bakı, 13 iyul, AZƏRTAC
Azərbaycan UEFA-nın reytinqində 2022/2023-cü il mövsümü üçün xal hesabını açıb.
AZƏRTAC xəbər verir ki, bu, Ağdamın “Qarabağ” komandasının Polşanın “Lex” klubu ilə UEFA Çempionlar Liqasının birinci təsnifat mərhələsinin cavab görüşündə əldə etdiyi 5:1 hesablı qələbə sayəsində mümkün olub. Qələbə 4 klubla təmsil olunan ölkənin aktivinə 0,250 xal gətirib.
Azərbaycan son 5 mövsüm üzrə xal sayını 12,875-ə çatdırmasına rəğmən, 29-cu pillədə qalıb. Səbəb 13,750 xalla 28-ci yerdə gedən Polşanın UEFA Konfrans Liqasındakı təmsilçiləri "Lexiya" və "Poqon"un elə birinci təsnifat mərhələsindən mübarizəyə başlayaraq, ilk görüşlərini qələbə ilə başa vurmalarıdır. Azərbaycanın bu turnirdəki təmsilçiləri "Neftçi", "Zirə" və "Qəbələ" isə yarışa ikinci təsnifat mərhələsindən start verəcəklər.
Bölmənin digər xəbərləri
