Azərbaycan və Səudiyyə Ərəbistanı bərpa olunan enerji ilə bağlı layihələrdə iştirak edəcək
Bakı, 11 noyabr, AZƏRTAC
Azərbaycan Səudiyyə Ərəbistanı Krallığı ilə strateji əməkdaşlığı gücləndirmək niyyətindədir ki, bu, bir neçə iqtisadi sahəni əhatə edir. İki ölkə arasında iqtisadi, xüsusən də enerji sahəsində əməkdaşlıq gücləndirilir.
AZƏRTAC xəbər verir ki, bu sözləri energetika naziri Pərviz Şahbazov “Asharq Al-Awsat” nəşrinə müsahibəsində deyib.
Nazir qeyd edib ki, Səudiyyə Ərəbistanı və Azərbaycan bərpa olunan enerji ilə bağlı bir sıra əməkdaşlıq layihələrində iştirak edəcək: “Biz Səudiyyə Ərəbistanının “ACWA Power” şirkəti ilə 240 meqavat gücündə külək elektrik stansiyasının tikintisi üzrə müqavilə imzalamışıq. Bu layihə təkcə Azərbaycan üçün yox, həmçinin regionda bərpa olunan enerji mənbələrinin inkişafı baxımından önəmlidir”.
Bölmənin digər xəbərləri
