AZƏRBAYCAN ZƏNGİN MƏDƏNİYYƏTƏ MALİK ÖLKƏDİR

17.05.2006 [22:49]
Çap et
A⁺ A^-

Xəbər verdiyimiz kimi, ABŞ Dövlət Departamentinin və Birləşmiş Ştatların ölkəmizdəki səfirliyinin dəstəyi ilə dünya şöhrətli violonçel ifaçısı Yo-Yo Manın başçılğı ilə “İpək Yolu” ansamblı Azərbaycana gəlmişdir. Amsambl mayın 19-da Azərbaycan Dövlət Filarmoniyasında xalq artisti Alim Qasımov və digər azərbaycanlı müsiqiçilərlə birgə konsert proqramı ilə çıxış edəcəkdir.

Ansamblın ölkəmizə səfəri ilə bağlı Bakı Caz Mərkəzində keçirilən mətbuat konfransında İpək Yolu layihəsinin proqram üzrə direktoru İzabell Hanter Azərbaycan xalqının zəngin mədəniyyətə malik olduğunu bildirmiş və Bakı Musiqi Akademiyasında çoxlu istedadlı gəncin ifasına qulaq asdıqlarını söyləmişdir.

Muğamı bəşəriyyətin incisi kimi səciyyələndirən Yo-Yo Ma bu sənətdə ən çox cəlbedici cəhətin sərbəstlik və azadlıq olduğunu vurğulamışdır.

Hazırda xaricdə yaşayıb-yaradan bəstəkar, xalq artisti Firəngiz Əlizadə Yo-Yo Maya xatirə hədiyyələri təqdim etmişdir.