AZƏRBAYCANDA SİYASİ İSLAHATLAR İQTİSADİ İSLAHATLARLA PARALEL APARILIR

30.10.2006 [15:54]
Çap et
A⁺ A^-

Son üç-dörd ildə Azərbaycanın büdcəsi 4 dəfədən çox artmışdır, özü də, təkcə neftin hesabına yox. Biz böyük həcmdə neft çıxarmağa yalnız bu yaxınlarda başlamışıq. Yeni yataqlardan çıxarılan bütün neftdən əldə edilən gəlirlər Azərbaycan Neft Fonduna daxil olur. Neft Fondundan büdcəyə köçürmələr isə cəmi 500 milyon dollar məbləğində planlaşdırılır. Büdcəyə qalan mədaxillər, əsasən, maliyyə intizamının möhkəmləndirilməsi, ictimai nəzarətin gücləndirilməsi və çox fəal iqtisadi islahatlar aparılması hesabınadır.

AZƏRTAC xəbər verir ki, bu sözləri Azərbaycan Prezidenti İlham Əliyev xarici ölkələrin kütləvi informasiya vasitələrinin Rusiyada akkreditə olunmuş nümayəndələri ilə görüşündə Almaniyanın “Die welt” qəzetinin müxbirinin sualına cavabında demişdir. Çoxlu sayda yoxsul və işsizlər olan ölkədə demokratik cəmiyyət qurmaq mümkün deyildir fikrini önə çəkən Prezident vurğulamışdır ki, Azərbaycanda siyasi islahatların çox səmərəli və iqtisadi islahatlarla paralel surətdə həyata keçirilməsi daha açıq cəmiyyət qurulmasına, demokratiyanın inkişafına, yəni bizim nail olmağa çalışdığımız məqsədlərə doğru aparır. Biz güclü, iqtisadi cəhətdən müstəqil, siyasi cəhətdən azad, Avropa qurumlarına inteqrasiya edilmiş dövlət qurmaq istəyirik. Ona görə də bütün inteqrasiya proseslərində fəal iştirak edirik.

AZƏRBAYCANDA SİYASİ İSLAHATLAR İQTİSADİ İSLAHATLARLA PARALEL APARILIR

MÜƏLLİFLƏ ƏLAQƏ

Bölmənin digər xəbərləri