Azərbaycandan altı ayda 12,7 milyard kubmetr qaz ixrac olunub
Bakı, 11 iyul, AZƏRTAC
Bu ilin birinci yarısında neft-kondensat hasilatı 14,4 milyon ton, ixraca nəql edilən həcmlər isə 11,9 milyon ton olub.
AZƏRTAC xəbər verir ki, bu barədə energetika naziri Pərviz Şahbazov məlumat verib.
O bildirib ki, bu dövrdə ötən ilin birinci yarım ili ilə müqayisədə 4,3 faiz artımla hasil edilmiş 25,1 milyard kubmetr qazın 12,7 milyard kubmetri ixrac olunub.
“Yanvar-iyun aylarında təxminən Avropaya 6,4 milyard kubmetr, Türkiyəyə 5 milyard kubmetr, Gürcüstana isə 1,3 milyard kubmetr qaz ixrac olunub. Bu dövrdə TANAP-la Türkiyəyə 2,8 milyard kubmetr qaz nəql edilib. Bu ilin 6 ayı ərzində xaricə qaz satışı ötən ilin müvafiq dövrü ilə müqayisədə təqribən 6 faiz çoxdur”,- deyə nazir qeyd edib.
Bölmənin digər xəbərləri
