Azərbaycanın 4 sərbəst güləşçisi reytinq turnirində mübarizəyə başlayır
Bakı, 6 iyun, AZƏRTAC
Bu gün Macarıstanın paytaxtı Budapeştdə güləş üzrə reytinq turnirinə start veriləcək.
AZƏRTAC xəbər verir ki, yarışın ilk günündə Azərbaycanın 4 sərbəst güləşçisi mübarizəyə başlayacaq.
Yığmanın heyətində Əliabbas Rzazadə (57 kiloqram), Hacı Əliyev (65 kiloqram), Maqomedxan Maqomedov (97 kiloqram) və Giorgi Meşvildişvili (125 kiloqram) xalça üzərinə çıxacaqlar. Görüşlər hər gün Bakı vaxtı ilə saat 12:30-da başlayacaq. Medallar uğrunda qarşılaşmalar isə saat 19:00-da start götürəcək.
Qeyd edək ki, Azərbaycan millisi iyunun 9-dək davam edəcək reytinq turnirində 14 güləşçi ilə təmsil olunur.
Bölmənin digər xəbərləri
