AZƏRBAYCANIN AĞIR ATLETİKA ÜZRƏ YIĞMA KOMANDASININ ÜZVLƏRİ PEKİN OLİMPİADASINA HAZIRLAŞIRLAR
Azərbaycan Ağır Atletika Federasiyasının baş məşqçisi Vahid Nəzərov AZƏRTAC-a bildirmişdir ki, yığma komandamızın üzvləri Pekin Olimpiya Oyunlarına intensiv hazırlığını davam etdirirlər. Olimpiadada ölkəmizin idman şərəfini 5 atletin qoruyacağı məlum olsa da, heyətə 7 idmançı cəlb edilmişdir. Zülfüqar Süleymanov 62 kiloqram çəki dərəcəsində yer alan Sərdar Həsənovun, Rövşən Fətullayev isə 94 kiloqramda yarışacaq Nizami Paşayevin əvəzedicisi ola bilər.
Baş məşqçini narahat edən məsələ ikiqat dünya və Avropa çempionu Nizami Paşayevin məşq zamanı kiçik zədə almasıdır. Amma mütəxəssis onun olimpiadada iştirak edəcəyinə əmindir. Ümumiyyətlə, yığma rəhbərinin fikrincə, idmançılarımız Çində ən azı ilk onluğa düşə bilərlər.
Bölmənin digər xəbərləri
