AZƏRBAYCANIN ƏRAZİ BÜTÖVLÜYÜ DANIŞIQLAR MÖVZUSU DEYİLDİR
AZƏRTAC xəbər verir ki, bu barədə Azərbaycan Prezidenti İlham Əliyev xarici ölkələrin kütləvi informasiya vasitələrinin Rusiyada akkreditə olunmuş nümayəndələri ilə görüşündə ABŞ-ın “Christian Science Monitor” qəzetinin müxbirinin sualına cavabında bildirmişdir. Prezidentin sözlərinə görə, danışıqların Praqa formatında aparılması münaqişənin dinc yolla həllinə nail olmaq imkanı yarada bilər. O demişdir ki, bizim mövqeyimiz beynəlxalq hüququn dünya birliyi tərəfindən tanınmış norma və prinsiplərinə əsaslanır. Azərbaycanın ərazi bütövlüyü danışıqlar mövzusu
deyildir. Ermənistan BMT Təhlükəsizlik Şurasının işğalçı qüvvələrin Azərbaycan ərazilərindən qeyd-şərtsiz və dərhal çıxarılmasını tələb edən dörd qətnaməsinə əməl etməlidir. Bu, Azərbaycanın qəti surətdə sadiq olduğu beynəlxalq hüququn əsas prinsipidir.
Bölmənin digər xəbərləri
