Azərbaycanın geoekoloji kontekstlərinə dair kitab çap edilib
Bakı, 26 dekabr, AZƏRTAC
Elm və Təhsil Nazirliyinin akademik Həsən Əliyev adına Coğrafiya İnstitutunun icraçı direktoru coğrafıya üzrə fəlsəfə doktoru, dosent Zaur İmraninin Avstraliyanın Makkuori Universitetinin elmi işçisi professor Ələkbər Rəsuli ilə birgə müəllifi olduğu “Risklərin və fəlakətlərin qiymətləndirilməsi üçün obyekt əsaslı təhlil: Azərbaycanın geoekoloji kontekstləri” adlı monoqrafiya işıq üzü görüb.
AZƏRTAC xəbər verir ki, kitabda Azərbaycanda geoekoloji risk və fəlakət məsələlərinə aydınlıq gətirən OBİA (Obyekt Əsaslı Şəkil Təhlili) üzrə praktiki dərsliklər toplusu və onların tətbiqi üsulları təqdim edilir. OBİA kontekstini başa düşmək üçün eCognition proqramının sınaq versiyalarından istifadə edilir və hər bir vəsait iş prosesini təfərrüatlı şəkildə izah edir ki, bu da hər bir mütəxəssis üçün olduqca vacibdir. Nəşrdə, həmçinin Azərbaycan coğrafiyası domeninə uyğunlaşdırılmış “Landsat”, “Sentinel” təsvirləri və “ALOS-Palsar” məlumatları ilə əlaqəli nəhəng alətlər paneli və onların funksiyaları ilə tanış olmaq imkanı yaradılıb.
Bölmənin digər xəbərləri
