AZƏRBAYCANIN NATO İLƏ ƏMƏKDAŞLIĞI ÇOX SƏMƏRƏLİ ŞƏKİLDƏ İNKİŞAF EDİR
AZƏRTAC-ın verdiyi xəbərə görə, Azərbaycan Prezidenti İlham Əliyev xarici ölkələrin kütləvi informasiya vasitələrinin Rusiyada akkreditə olunmuş nümayəndələri ilə görüşündə İspaniyanın “EL CORREO” qəzetinin müxbirinin sualına cavabında demişdir ki, Azərbaycanın NATO-ya daxil olması məsələsi təkcə bizdən asılı deyildir. Bu, ikitərəfli prosesdir. Təşkilatlar ölkənin daxil olmasını istəməlidir. Bunu ölkə də istəməlidir və buna hazır olmalıdır. Biz NATO ilə dialoq çərçivəsində də, “Sülh naminə tərəfdaşlıq” Proqramı çərçivəsində də çox fəal əməkdaşlıq edirik. İki il əvvəl yeni formata keçmişik. Bu, NATO ilə “Fərdi tərəfdaşlığın fəaliyyət planı”dır.
Biz NATO qoşunları ilə birlikdə sülhyaratma əməliyyatları aparırıq deyən İlham Əliyev bildirmişdir: “Əməkdaşlığımız çox səmərəli şəkildə inkişaf edir. Biz bundan çox məmnunuq. Bu əməkdaşlığın haraya aparıb çıxaracağını, onun son mərhələsinin nədən ibarət olacağını zaman və vəziyyətin inkişafı göstərəcəkdir”.
Bölmənin digər xəbərləri
