Azərbaycanın Rusiyadakı səfirliyində yeni elektron növbə sistemi tətbiq olunur
Moskva, 7 noyabr, AZƏRTAC
Azərbaycanın Rusiyadakı səfirliyi noyabrın 12-də diplomatik nümayəndəliyin Konsulluq şöbəsində yeni elektron növbə sisteminin istifadəyə veriləcəyini elan edir.
AZƏRTAC xəbər verir ki, ziyarətçilər “appointment.mfa.gov.az” saytında yerləşdirilən “Elektron növbə portalı” vasitəsilə ümumi vətəndaş pasportu və geri qayıtma şəhadətnaməsi almaq da daxil olmaqla bütün konsulluq xidmətləri üçün əvvəlcədən qeydiyyatdan keçə biləcəklər.
Portalda qeydiyyat pulsuzdur və hər bir ziyarətçi üçün fərdi olacaq. Sistem ziyarətçilərə görüş təyin etməyə, onun vaxtını dəyişdirməyə və ya ləğv etməyə imkan verir. Növbənin yerləşdirilməsi seçilmiş xidmətə əsasən müəyyən edilir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
