AZƏRBAYCANIN TÜRKİYƏDƏKİ SƏFİRLİYİ İFTAR SÜFRƏSİ AÇMIŞDIR
AZƏRTAC-ın xüsusi müxbiri xəbər verir ki, sentyabrın 25-də Azərbaycanın Türkiyədəki səfirliyi iftar süfrəsi açmışdır.
Türkiyənin dövlət naziri Said Yazıçıoğlu, keçmiş daxili işlər naziri İsmət Sezgin, xarici ölkələrin Ankaradakı səfirləri, qardaş ölkədə işləyən ziyalılarımız, mətbuat nümayəndələri iftar süfrəsinə dəvət olunmuşdular.
Dövlət naziri Said Yazıçıoğlu qarşıdan gələn Ramazan bayramı münasibətilə qardaş Azərbaycan xalqına təbriklərini ölkəmizin Ankaradakı səfiri Zakir Həşimova çatdırmışdır.
Türkiyənin televiziya kanalları və xəbər agentlikləri səfirlikdə açılan iftar süfrəsindən geniş reportajlar vermişlər.
