Azərbaycanlıların Soyqırımı Günü ilə bağlı silsilə tədbirlər keçirilir
Bakı, 1 aprel (AZƏRTAC). Xəbər verdiyimiz kimi, Sabunçu Rayon Mərkəzləşdirilmiş Kitabxana Sistemi (MKS) 31 mart-Azərbaycanlıların Soyqırımı Gününə həsr olunmuş silsilə tədbirlər keçirir.
Kitabxanadan AZƏRTAC-a bildirmişlər ki, MKS-in 1, 2, 3, 11 nömrəli filiallarında oxucularla “Tarixin qan yaddaşı”, “Unutqanlığa mənəvi haqqımız yoxdur”, “Azərbaycanlıların Soyqırımı Günü”, “31 mart-Azərbaycanlıların Soyqırımı Günü” mövzularında söhbətlər aparılmış və müvafiq sərgilər açılmışdır.
Oxuculara erməni silahlı birləşmələrinin bolşeviklərin dəstəyi ilə Bakıda və Azərbaycanın digər bölgələrində dinc əhalini qətlə yetirməsi, soyqırımının mahiyyəti və acı nəticələri haqqında geniş məlumat verilmişdir. Vurğulanmışdır ki, soyqırımı yalnız ulu öndərimizin 1998-ci il 26 mart tarixli Fərmanından sonra hüquqi-siyasi qiymətini almışdır. O vaxtdan başlayaraq, 31 mart-Azərbaycanlıların Soyqırımı Günü kimi dövlət səviyyəsində qeyd olunur, soyqırımı qurbanlarının xatirəsini anma tədbirləri keçirilir, dünya ictimaiyyətinin diqqəti bu faciəyə cəlb edilir.
Bölmənin digər xəbərləri
