“AZƏRİQAZ”DA MƏTBUAT KONFRANSI
Ə.Məlikov bildirmişdir ki, bu ilin yanvar–sentyabr aylarında Dövlət Neft Şirkətindən 4 milyard 303 milyon kubmetr qaz qəbul edilmiş, Rusiyadan isə 3 milyard 309 milyon kubmetr qaz idxal olunmuşdur. Əhaliyə 3 milyard 278 milyon kubmetr və ya 153 milyon 785 min manatlıq təbii qaz satılmışdır ki, bunun da dəyərinin cəmi 48,9 faizi yığılmışdır.
Ötən müddətdə əsaslı tikinti işlərinə 14 milyon 335 min manat sərf olunmuş, 182 kilometr uzunluğunda qaz xətti çəkilmişdir. Bu il daha 30 min abonentin mavi yanacaqla təminatına inkan yaradılmışdır. İndiyədək respublikada hər 3 abonentdən 2-nin mənzilində qaz sayğacı quraşdırılmışdır.
Yeraltı anbarlara bu il rekord miqdarda - 1 milyard 70 milyon kubmetr qaz vurulacağını deyən Ə.Məlikov, “Azəriqaz”ın payız-qış mövsümündə ölkə əhalisinin və sənaye müəssisələrinin mavi yanacaqla fasiləsiz və etibarlı təminatını təmin etmək üçün hazırlıq tədbirlərinin davam etdirildiyini vurğulamışdır.
“Azəriqaz”ın sədri jurnalistləri maraqlandıran suallara da cavab vermişdir.
Bölmənin digər xəbərləri
