“Azneft” İB-nin “Muradxanlı” iriləşmiş neft mədənində ekoloji monitorinq aparılmışdır
Bakı, 4 sentyabr (AZƏRTAC). Azərbaycan Respublikası Dövlət Neft Şirkətinin (ARDNŞ) ekologiya idarəsinin mütəxəssisləri tərəfindən “Azneft” İstehsalat Birliyinin “Muradxanlı” iriləşmiş neft mədəninin istehsalat sahələrində ekoloji monitorinq aparılmışdır.
AZƏRTAC xəbər verir ki, monitorinq zamanı mədənin fəaliyyət sahələrində ətraf mühitin mövcud ekoloji vəziyyətinin öyrənilməsinə və müəssisələrdə ekoloji normativ sənədlərin qanunvericiliyin tələblərinə uyğun tərtib olunmasına nəzarət edilmişdir.
Bundan əlavə, ətraf mühitə atılan tullantıların idarə olunması planına əməl edilməsi tövsiyə olunmuş, həmçinin görülmüş ekoloji bərpa işlərinə baxış keçirilmişdir.
Bölmənin digər xəbərləri
