Badamdar şosesinə mobil seysmik stansiyalar quraşdırılıb
Bakı, 15 oktyabr, AZƏRTAC
Paytaxtın Səbail rayonunda, Badamdar- 20-ci sahə şosesində baş verən sürüşmə ilə bağlı Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin əməkdaşları qrup şəklində ərazidə tədqiqatları davam etdirirlər.
Mərkəzin informasiya şöbəsindən AZƏRTAC-a bildiriblər ki, hazırda mərkəzin əməkdaşları ərazidə seysmik kəşfiyyat, maqnitometrik tədqiqat işləri aparırlar. Sürüşmə zonasında meyilliliyin ölçülməsi üçün əraziyə tiltimetr, eləcə də gözləmə rejimində işləyən mobil seysmik stansiyalar quraşdırılıb.
Qeyd edək ki, aparılan tədqiqatlar zamanı toplanmış materiallar elmi baxımdan təhlil edildikdən sonra ərazidəki vəziyyətə dair hesabat hazırlanaraq hökumətə təqdim ediləcək.
Bölmənin digər xəbərləri
