Badamdar sürüşmə sahəsindəki evlərin hasarlarının birində uçqun töküntü prosesi baş verib
Bakı, 15 oktyabr, AZƏRTAC
Ekologiya və Təbii Sərvətlər Nazirliyi tərəfindən yaradılan qərargah Badamdar-20-ci sahə avtomobil yolunun sağ kənarındakı sürüşmə zonasında monitorinqləri davam etdirir. Son məlumatlara əsasən ərazidə gərginlik davam edir. Sürüşmə sahəsi üzərində asılı qalmış süxurların xırda hissələrinin yamaca doğru hərəkəti müşahidə olunub.
Bu barədə AZƏRTAC-a Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin mütəxəssisi və qərargahın üzvü Teymuraz Ələkbərov məlumat verib.
Mütəxəssis bildirib ki, ərazinin üst hissəsindəki evlərin hasarlarının birinin eni 2, hündürlüyü 1 metr olan hissəsində uçqun töküntü prosesi baş verib.
Bölmənin digər xəbərləri
