“BADAMLI” İSTEHSALÇILARININ UĞURLARI
Zavodun direktor müavini Allahverdi Məmmədov AZƏRTAC-ın müxbirinə demişdir: Müəssisəmiz bu ilin aprel ayından özəlləşdirilərək məhsul istehsalına başlamışdır. Az vaxt ərzində işçilərin sayı 50 nəfərdən 65 nəfərə qaldırılıb. 2003-cü ildə il boyu zavodda 745 min butulka mineral su istehsal olunduğu halda, bu ilin aprel-iyun aylarında bu rəqəm 474 min olmuşdur. Ilin sonunadək 0,3; 0,4; 0,5 və 1 litrlik 1 milyon şərti butulka su istehsal edib alıcı təşkilatlara göndəriləcəkdir. Rusiya və Qazaxıstandan alınan sifarişlər əsasında da yeni müqavilələr bağlanmışdır. Bunun nəticəsində isə ilin sonunadək işçi qüvvəsinin sayı artırılacaq, həm də keyfiyyət yüksəldiləcəkdir.
Bölmənin digər xəbərləri
