BADMİNTON ÜZRƏ RESPUBLİKA BİRİNCİLİYİ DAVAM EDİR
Bakı, 23 fevral (AZƏRTAC). Bakı Slavyan Universitetinin idman zalında badminton üzrə respublika birinciliyi davam edir.
Yarışda 1995, 1996 və 1997-ci illər təvəllüdlü və ondan kiçik yaşlı 90-a yaxın idmançı iştirak edir.
1997-ci il və ondan kiçik təvəllüdlü qızların şəxsi birinciliyində Azərbaycan çempionu adına Nabat Quliyeva layiq görülmüşdür. Ləman Quliyeva 2-ci, Aliyə Hüseynova 3-cü olmuşdur. Qızların qoşa yarışında Nabat Quliyeva və Ləman Quliyeva birinci yeri tutmuşlar. Aliyə Hüseynova və Süsən Orucova 2-ci, Nurtən Hüseynli-Aytac Qəmbərli 3-cü olmuşlar.
Oğlanların şəxsi birinciliyində 1-ci yerə İsmayıl İbrahimov layiq görülmüşdür. 2-ci yeri İbrahim Əfəndiyev, 3-cü yeri isə Fuad Səfərov tutmuşdur. Qoşa yarışlarda İsmayıl İbrahimov və İbrahim Əfəndiyev cütlüyü fərqlənə bilmişlər. Fuad Səfərov Eşqin Dadaşov cütlüyü 2-ci, Fəqan Seyfullazadə-Samir Babayev isə 3-cü pillədə qərarlaşmışlar.
Fevralın 27-də isə birinciliyə 1995 və 1996-cı illər təvəllüdlü idmançılar qatılacaqlar.
Bölmənin digər xəbərləri
