Bakı Dövlət Universitetindən 5741 tələbə məzun oldu
Bakı, 24 avqust, AZƏRTAC
COVID-19 pandemiyası ilə əlaqədar olaraq 2019/2020-ci dərs ilinin ikinci semestrində Bakı Dövlət Universitetində (BDU) tədris onlayn təşkil edilib. BDU ailəsi bu sınaqdan da üzüağ çıxıb. Universitetin tələbələri onlayn imtahan sessiyasını uğurla başa vurublar.
BDU-dan AZƏRTAC-a bildirilib ki, ali təhsil ocağından bu il 5741 tələbə məzun olub. Universitet hər il öz məzunları ilə möhtəşəm “Məzun Günü” tədbiri ilə vidalaşsa da, bu il xüsusi karantin rejimi şəraitində növbəti böyük tədbiri təşkil etmək mümkün olmayıb. Bu səbəbdən də BDU “Məzun-2020” videotəbrikini təqdim edib. Videotəbrik BDU TV-də hazırlanıb.
Bölmənin digər xəbərləri
