BAKI FOND BİRJASI İLƏ YEKUN VURMUŞDUR
Ötən ilin mayında DQİ-nin alınması üçün ehtiyat fondunun 50 faizindən bankların istifadə etməsi barədə Milli Bankın qərarı ləğv olunmuşdur ki, bu da iki-üç hərracda həmin maliyyə qurumlarının fəallığının bir qədər azalmasına gətirib çıxarmışdır.
Lakin bazar sabitləşdikdən sonra Maliyyə Nazirliyi yerləşdirmə həcmlərini azaltmağa başlamış, bu da, öz növbəsində, fəallıq səviyyəsinin yenidən aşağı düşməsinə səbəb olmuşdur. Nəticədə DQİ-nin tədavülündəki vəsaitlərin həcmi ilin əvvəlindəki 160 milyard manatdan ilin sonunda 105 milyard manata enmişdir.
Ötən il keçirilmiş iclasda qeyd edilmişdir ki, bazarda Maliyyə Nazirliyinin uzunmüddətli istiqraz vərəqələri peyda olmuşdur. Həmin istiqraz vərəqələri Maliyyə Nazirliyinin Milli Banka borcunun ödənilməsi kimi qiymətli kağızlar şəklində MB-yə verilmişdir. 2003-cü ildə həmin qiymətli kağızlar üzrə, ümumən, 112,6 milyard manat məbləğində əməliyyatlar aparılmış, bunun da 51,4 milyard manatı repo əməliyyatları üzrə dövriyyənin, 61,2 milyard manatı isə təkrar bazarda əqdlər üzrə dövriyyənin payına düşür.
Korporativ qiymətli kağızlar sektorunda dövriyyə 16,9 milyard manat olmuşdur ki, bu da 2002-ci ilin müvafiq göstəricisindən 4 dəfədən də çoxdur. 2003-cü ildə, ümumiyyətlə, 200 emitentdən çox səhmlər üzrə əqdlər bağlanmışdır.
İclasda martın 17-də BFB səhmdarlarının ümumi yığıncağını keçirmək qərara alınmışdır. Yığıncaqda Nəzarət Şurasının, maliyyə-təftiş komissiyasının yeni heyəti seçiləcək və digər məsələlər müzakirə olunacaqdır.
Bölmənin digər xəbərləri
