BAKI SLAVYAN UNİVERSİTETİNDƏ GÖRÜŞ OLMUŞDUR

24.05.2006 [00:02]
Çap et
A⁺ A^-

AZƏRTAC xəbər verir ki, I Türkoloji Qurultayın 80 illik yubileyi ilə bağlı AMEA-da keçirilən beynəlxalq elmi konfransda iştirak edən tanınmış Türkiyə alimləri mayın 24-də Bakı Slavyan Universitetində (BSU) olmuşlar.

Universitetin rektoru, professor Kamal Abdullayev qonaqları rəhbərlik etdiyi elm ocağı adından salamlamış, BSU ilə Türkiyə universitetləri arasındakı əlaqələrin genişləndiyini vurğulamışdır.

İstanbul Universitetinin professoru Osman Fikri Sərtqaya I Türkoloji qurultayin keçirilmə səbəblərindən danışmış, Türk Dil Qurumunun başqanı professor Haluk Şükrü Akal iki il öncə BSU-da təşkil edilmiş Türkiyə Araşdırmalar Mərkəzinin daha da inkişaf etdiyini bildirmiş, onun yaradılmasını əhəmiyyətli hadisə kimi qiymətləndirmişdir.

Tədbirdə iştirak edən digər qonaqlar da I Türkoloji qurultay və onun tarixi əhəmiyyəti barədə fikirlərini açıqlamışlar.