Bakıda “Təmiz şəhərim” fotosərgisi keçiriləcəkdir
Bakı, 17 fevral (AZƏRTAC). Fevralın 21-də Heydər Əliyev Fondunun təşəbbüsü ilə Qala qəsəbəsi ərazisində “Təmiz Şəhər” ASC tərəfindən reallaşdırılan “Tullantıların xüsusi idarə edilməsi” layihəsi çərçivəsində “Təmiz şəhərim” fotosərgisi keçiriləcəkdir.
ASC-dən AZƏRTAC-a bildirmişlər ki, ötən il noyabr ayının 20-dən dekabrın 10-dək keçirilən “Təmiz şəhərim” müsabiqəsinə tullantıların təkrar emalı, yenidən istifadə və ümumiyyətlə ekoloji mədəniyyətin inkişaf etdirilməsi kimi mövzuları əhatə edən 300-dən artıq foto təqdim edilmişdir. Bu fotoşəkillər arasında münsiflər heyəti tərəfindən seçilən 50 fotoşəkil sərgiyə çıxarılacaqdır.
“Qız Qalası” qalereyasında keçiriləcək sərgi 3 gün davam edəcəkdir.
Bölmənin digər xəbərləri
