Bakıdakı Rus Evində “Yemək masası ətrafındakı dünya” mövzusunda mühazirə oxunacaq
Bakı, 24 yanvar, AZƏRTAC
Yemək süfrəsini yalnız bayram münasibətilə bəzəyirlər, yoxsa tez-tez? Kuvert nə deməkdir?
Bu və bir sıra başqa suallara cavab almaq istəyirsinizsə, yanvarın 26-da Bakıdakı Rus Evində keçiriləcək “Yemək masası ətrafındakı dünya” mövzusunda təqdimata və mühazirəyə gəlin.
Rusiya İnformasiya-Mədəniyyət Mərkəzinin mətbuat xidmətindən AZƏRTAC-a verilən məlumata görə, mühazirəni dekorator, psixoloq, məsləhətçi, müəllim İrina Aleksina oxuyacaq. O, beynəlxalq və Rusiya miqyaslı bir sıra sərgilərin təşkilatçısı və hamisi, Protokol və Etiket Mütəxəssislərinin Milli Assosiasiyasının üzvüdür.
Etiket qaydaları süfrə tərtibatının əsaslarını bilməyi tələb edir. Yemək masasının tərtib edilməsi etiketinə riayət edilməsi ilk növbədə, ev sahibinin qonaqlara yaxşı münasibət bəsləməsinin göstəricisidir. Buraya süfrə etiketi, yemək masasının formatı, bəzədilməsi və dekoru, əlamətdar hallar üçün süfrələr, ev bufetinin formalaşdırılması, nəsildən-nəslə keçən dəyərlər və tarixi reseptlər daxildir.
Bölmənin digər xəbərləri
