Balaxanıda bərk məişət tullantılarının yandırılması və çeşidlənməsi zavodları ilin sonunda istifadəyə veriləcəkdir
Bakı, 25 oktyabr (AZƏRTAC). Balaxanıda inşa olunan bərk məişət tullantılarının yandırılması və çeşidlənməsi zavodları bu ilin dekabrında istifadəyə veriləcəkdir.
AZƏRTAC xəbər verir ki, bu barədə “Təmiz Şəhər” ASC idarə heyətinin sədri Zakir İbrahimov bildirmişdir.
Z.İbrahimov demişdir ki, hazırda hər iki zavod sınaq rejimində fəaliyyət göstərir. Bərk məişət tullantılarının yandırılması zavodunun fəaliyyəti nəticəsində 500 min ton məişət və 10 min ton tibbi tullantı utilizasiya olunacaqdır. Bunun nəticəsində 230 milyon kilovat-saat elektrik enerjisi istehsal ediləcəkdir. Zavodun fəaliyyəti nəticəsində Bakı şəhərində tullantıların ümumi kütləsi 3 dəfə, həcmi isə 10 dəfə azalacaqdır.
Bölmənin digər xəbərləri
