Banklararası şahmat turniri keçiriləcək
Bakı, 10 may, AZƏRTAC
Azərbaycan Banklar Assosiasiyasının (ABA) təşəbbüsü və Azərbaycan Şahmat Federasiyasının dəstəyi ilə mayın 13-15-də ümummilli lider Heydər Əliyevin anadan olmasının 96-cı ildönümünə həsr edilən növbəti banklararası şahmat yarışı keçiriləcək.
AZƏRTAC ABA-ya istinadla xəbər verir ki, yarış Azərbaycanda şahmatın kütləviliyini artırmaq və bank sektorunda çalışanların asudə vaxtlarını səmərəli təşkil etmək məqsədilə keçirilir.
Yarışda Azərbaycan ərazisində fəaliyyət göstərən bankların əməkdaşları iştirak etmək hüququna malikdirlər. Yarış "İsveçrə" sistemi üzrə 9 turdan ibarət olaraq FIDE qaydalarına əsasən şəxsi hesab üzrə keçiriləcək.
Bölmənin digər xəbərləri
