“BARMEK ZƏRBAYCAN ELEKTRİK ŞƏBƏKƏSİ” MMC SƏRMAYƏ MÜSABİQƏSİNİN QALİBİ OLMUŞDUR
Müsabiqənin şərtlərinə müvafiq olaraq, “Barmek Azərbaycan Elektrik Şəbəkəsi” MMC alqı-satqı müqaviləsi imzalandığı tarixdən 30 iş günü müddətində dövlət büdcəsinə 950 milyon manat ödəməli, Dövlət Əmlakının İdarə Olunması və Özəlləşdirilməsi Departamentinə 50 min ədəd dövlət özəlləşdirmə çeki və eyni sayda dövlət özəlləşdirmə opsionu təqdim etməli, Sərmayə Proqramında nəzərdə tutulan ilkin işlərin həyata keçirilməsi üçün 1,205 milyard manat məbləğində vəsaiti “Bakı Elektroavtomat” ASC-nin hesablaşma hesabına köçürməlidir.
“Barmek Azərbaycan Elektrik Şəbəkəsi” MMC alqı-satqı müqaviləsi ilə müəyyən olunacaq digər şərtləri və təqdim etdiyi Sərmayə Proqramında nəzərdə tutulmuş 40,154 milyard manat məbləğində sərmayənin 24 ay ərzində dörd mərhələ üzrə qoyuluşuna dair öhdəliyi yerinə yetirməlidir. Bu vəsait binaların təmirinə, yeni avadanlıq və texnologiyaların alınmasına, sosial tədbirlərin həllinə və s. yönəldiləcəkdir.
Qalib şirkət istehsal proqramına uyğun olaraq müəssisənin strukturunu yenidən quracaq, əvvəllər burada çalışmış mütəxəssisləri iş yerinə qaytaracaq, işçilərin əmək haqlarını artıracaqdır.
Bölmənin digər xəbərləri
