Baş Dövlət Yol Polisi İdarəsi sərnişindaşıma fəaliyyəti ilə məşğul olanlara müraciət edib
Bakı, 23 fevral, AZƏRTAC
Baş Dövlət Yol Polisi İdarəsi sərnişindaşıma fəaliyyəti ilə məşğul olanlara müraciət edib.
AZƏRTAC müraciəti təqdim edir: “Sərnişindaşıma fəaliyyəti ilə məşğul olan hüquqi və fiziki şəxslərdən xahiş olunur ki, qarlı hava şəraitini nəzərə alaraq, avtomobillərinin qış tələblərinə uyğun hazırlandığına əmin olsunlar. Qış təkərlərinin, əyləc sisteminin, işıqlandırmanın və digər təhlükəsizlik avadanlıqlarının vəziyyətini yoxladıqdan sonra hərəkətə başlasınlar. Eyni zamanda, sərnişinlərin təhlükəsizliyi üçün daha təhlükəsiz marşrutlardan istifadə etsinlər”.
Bölmənin digər xəbərləri
