BDU-nun “SABAH” qruplarının tələbələri Lənkəranda çöl-tədris təcrübəsində olacaq
Bakı, 23 may, AZƏRTAC
Bakı Dövlət Universitetinin (BDU) Biologiya fakültəsinin “SABAH” qruplarının buraxılış kurs tələbələri tədris planına uyğun olaraq mayın 26-dan Lənkəran rayonlarında çöl-tədris təcrübəsinə başlayacaq.
Bu barədə AZƏRTAC-a müsahibəsində BDU-nun Biologiya fakültəsinin dekan müavini Kəmalə Əsədova məlumat verib. K.Əsədova bildirib ki, çöl-tədris təcrübəsində 26 tələbənin iştirakı nəzərdə tutulur. Tələbələr rayon ərazisinin flora və fauna biomüxtəlifliyi ilə tanış olacaq, Hirkan Milli Parkına ekskursiya edəcəklər.
Daha sonra tələbələr çöl-tədris təcrübələrini Qızılağac Dövlət Təbiət Qoruğunda aparacaqlar.
Bölmənin digər xəbərləri
