BDU Uşak Universiteti ilə əməkdaşlığa başlayıb
Bakı, 31 mart, AZƏRTAC
Bakı Dövlət Universiteti (BDU) ilə Türkiyənin Uşak Universiteti arasında Mövlanə mübadilə proqramı çərçivəsində mübadilə protokolu imzalanıb.
BDU-dan AZƏRTAC-a bildirilib ki, protokol tələbə və professor-müəllim heyətinin mübadiləsini, ikitərəfli əməkdaşlıq məsələlərini nəzərdə tutur.
Xatırladaq ki, əsası 2006-cı ildə qoyulan universitetdə hazırda 12 fakültə (diş həkimliyi, pedaqogika, fənn-ədəbiyyat, incəsənət, iqtisadiyyat və idarəetmə, informasiya və kommunikasiya, İslam elmləri, mühəndislik, memarlıq, səhiyyə, idman, tibb), 3 kollec, 11 peşə məktəbi və 27 elmi araşdırma mərkəzi fəaliyyət göstərir. Eyni zamanda, sözügedən universitetdə ikili ixtisas proqramları üzrə təhsil həyata keçirilir.
Bölmənin digər xəbərləri
