BƏƏ Əlcəzairlə diplomatik böhranın müvəqqəti olacağına ümid edir
Qahirə, 10 sentyabr, AZƏRTAC
Birləşmiş Ərəb Əmirlikləri (BƏƏ) Əlcəzairin diplomatik əlaqələri kəsmək qərarının müvəqqəti olacağına ümid edir.
AZƏRTAC xəbər verir ki, bu barədə BƏƏ Xarici İşlər Nazirliyi açıqlama yayıb.
BƏƏ iki ölkə xalqı arasında mövcud olan dostluq və qardaşlıq əlaqələrinin qorunmasını istədiyini bildirib.
Nazirlik Əlcəzair xalqına hörmət etdiyini və iki ölkə arasında tarixi əlaqələrə böyük əhəmiyyət verdiyini vurğulayıb.
Bəyanatda qeyd olunub ki, BƏƏ bütün ölkələrlə münasibətlərin inkişafında maraqlıdır və qarşılıqlı əməkdaşlığın, anlaşmanın və ümumi maraqların gücləndirilməsini dəstəkləyir.
Xatırladaq ki, Əlcəzair hökuməti ikitərəfli münasibətləri qorumaq üçün bütün imkanların tükəndiyini bildirərək BƏƏ ilə diplomatik əlaqələri kəsib. Bu barədə Əlcəzairin rəsmi xəbər agentliyi məlumat yayıb.
Bölmənin digər xəbərləri
