Belarus Prezidenti Aleksandr Lukaşenko Mixail Qusmanı Fransısk Skorina medalı ilə təltif edib
Moskva, 21 may, AZƏRTAC
Belarus Prezidenti Aleksandr Lukaşenko TASS informasiya agentliyinin baş direktorunun birinci müavini, bizim həmyerlimiz Mixail Qusmanı Fransısk Skorina medalı ilə təltif edib.
AZƏRTAC xəbər verir ki, Mixail Qusman Belarus və Rusiya arasında əlaqələrin möhkəmlədilməsinə, informasiya sferasında iki ölkənin əməkdaşlığının genişlənməsinə verdiyi mühüm şəxsi töhfəyə görə bu yüksək mükafata layiq görülüb.
Fransısk Skorina medalı - Belarusun dövlət təltifidir. Bu medalla peşəkar fəaliyyətdə müvəffəqiyyətlər qazanmış, belarus xalqının mənəvi və intellektual potensialının, mədəni irsinin inkişafına və zənginləşdirilməsinə mühüm şəxsi töhfə vermiş elm, təhsil və mədəniyyət işçiləri təltif edilir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
