BERLİNDƏ FUTBOL MÖVZUSUNDA ƏN BÖYÜK TABLO NÜMAYIŞ ETDİRİLƏCƏK
AZƏRTAC-ın xüsusi müxbiri xəbər verir ki, Berlində yaşayıb-yaradan rəssam Martin Kek dünyada futbol mövzusunda ən böyük tablo yaratmışdır. Rəssamın sözlərinə görə, tabloda dünyanın futbol meydançalarında indiyədək baş vermiş ən maraqlı 85 məqam öz əksini tapmışdır. Əsərin ümumi sahəsi 207 kvadratmetrdir. Rəssam futbol səhnələri əks olunmuş fotoşəkilləri hər biri 90 x 60 ölçüdə 384 saxsı məmulatının - kaşıların üzərinə məharətlə köçürərək, termik - istilik bişirmə əməliyyatından keçirmişdir. Nadir panno Dünya Futbol çempionatının açılışı ərəfəsində Berlinin mərkəzində açıq səma altında quraşdırılacaq “Muzey-ada”da nümayiş etdiriləcəkdir.
Bölmənin digər xəbərləri
