BERTİ FOQTS: POSTSOVET MƏKANINDAKI ÖLKƏLƏRİN HEÇ BİRİNDƏ MƏN BELƏ İNKİŞAF GÖRMƏMİŞƏM
“Hiss olunur ki, Bakının inkişafı üçün böyük investisiyalar qoyulur. Xoşuma gələn cəhət odur ki, burada insanlar pullarını xaricə göndərmir və doğma ölkələrinin tərəqqisi üçün sərf edirlər. Postsovet məkanındakı ölkələrin heç birində mən belə inkişaf görməmişəm”.
AZƏRTAC xəbər verir ki, bunu Azərbaycan yığma futbol komandasınn almaniyalı baş məşqçisi Berti Foqts AFFA-nın saytına müsahibəsində demişdir.
Ölkəmizdəki klubların məşqlərini izlədiyini deyən B.Foqts hazırlıq prosesindən razı qaldığını söyləmişdir. B.Foqts demişdir ki, Azərbaycan yığmasında köməkçi məşqçilər almaniyalı mütəxəssislər olacaqlar. “Azərbaycan millisində çalışmaq üçün Almaniyadan 2 məşqçi dəvət olunacaqdır. Onlardan biri qapıçılarla çalışacaq. Bundan əlavə, həkim və fizioterapevt də dəvət etmək fikrimiz var. Uzunmüddətli təlim-məşq toplanışları zamanı komandaya fitnes üzrə məşqçi də cəlb ediləcəkdir”.
Bölmənin digər xəbərləri
