Beynəlxalq dərəcəli ekspert müəllim və tələbələrə onlayn təlim keçib
Bakı, 22 aprel, AZƏRTAC
Azərbaycan Texniki Universitetinin (AzTU) müəllim və tələbələri üçün “Ar-Ge, innovasiya və texnoloji sənayedə təməl quruculuğu” mövzusunda onlayn təlim keçirilib.
AzTU-dan AZƏRTAC-a bildirilib ki, təlim Türkiyənin Boğaziçi, ODTÜ universitetlərinin müəllimi, ABŞ, Fransa, İtaliya, Türkiyə və Asiya ölkələrinin müxtəlif şirkət və təhsil sektorlarında 15 texnopark qurucusu, beynəlxalq dərəcəli ekspert Ufuk Batumun moderatorluğu ilə keçirilib.
U.Batum “Sənaye 4.0” proqramının tətbiqi, bulud texnologiyası və bir sıra süni zəka proqramları haqqında məlumat verib.
Təlimdə “Ar-Ge” mərkəzlərində həyata keçirilən layihələrin üstünlüklərindən bəhs edilib, müəllim və tələbələrin sualları cavanlandırılıb.
Bölmənin digər xəbərləri
