Beynəlxalq Enerji Agentliyi: Təmiz enerjiyə investisiyalar artacaq
Bakı, 14 yanvar, AZƏRTAC
Qarşıdakı dövrdə təmiz enerjiyə investisiyalar artacaq.
AZƏRTAC xəbər verir ki, bu sözləri Beynəlxalq Enerji Agentliyinin (IEA) icraçı direktoru Fatih Birol deyib.
O bildirib ki, iqlim dəyişikliyi və enerji bir-birindən asılıdır. İqlim problemini həll etmədən enerji problemi həll edilə bilməz. Qarşıdakı dövrdə təmiz enerjiyə investisiyalar artacaq. Builki 3 əsas hədəfimiz təmiz enerjiyə keçidi sürətləndirməkdir.
F.Birol hökumətlərin təmiz enerji üçün ciddi təşviq və qaydalar tətbiq etməsinin vacibliyini vurğulayıb: “Yaşıl enerjiyə keçid dövründə yaşıl istiqrazlara və bənzər investisiya alətlərinə maraq artacaq”.
Elektrikli avtomobillərlə bağlı dünya trendinə toxunan IEA-nın icraçı direktoru bəzi ölkələrin elektrikli avtomobillərə keçiddə sürətlə irəlilədiyini deyib. Məsələn, Norveçdə satılan hər iki avtomobildən biri elektriklə işləyəndir. Lakin digər tərəfdən, Asiya qitəsinin ən sıx əhalisindən birinə sahib olan Hindistanın elektrik istehsalı kömürdən çox asılıdır və bu ölkənin digər dövlətlərlə müqayisədə bərpaolunan enerji mənbələrinə keçidi çətin görünür.
Bölmənin digər xəbərləri
