BEYNƏLXALQ QURUMUN TƏDBİRİNDƏ AZƏRBAYCAN GƏNCLƏRİNİN NÜMAYƏNDƏSİ DƏ İŞTİRAK EDƏCƏKDİR
AZƏRTAC xəbər verir ki, sentyabrın 7-də Helsinki şəhərində Əhali və İnkişaf üzrə Avropa Parlament Forumunun konfransı işə başlamışdır. Azərbaycanı konfransda respublika Gənclər Təşkilatları Milli Şurasının sədri, Milli Məclisin deputatı Fuad Muradov təmsil edir.
Tədbirdə iki qitənin gənc qərarqəbuledənləri arasında əlaqələrin genişləndirilməsi, gənclərin reproduktiv sağlamlığı və hüququ, QİÇS/AİDS, insan alveri və digər problemlər müzakirə ediləcəkdir.
Konfransda qəbul olunacaq ümumi bəyanat Helsinkidə Asiya və Avropanın hökumət başçılarının iştirakı ilə keçiriləcək sammitə təqdim ediləcəkdir.
