DÜNYA
Birləşmiş Ştatların neft ixracı kəskin artıb
![Birləşmiş Ştatların neft ixracı kəskin artıb](/files/2021/1/1200x630/16118200522627238974_1200x630.jpg)
Bakı, 28 yanvar, AZƏRTAC
ABŞ-ın xam neft ixracı kəskin artıb.
AZƏRTAC ABŞ-ın Enerji İnformasiya Administrasiyasının (EIA) məlumatına istinadla xəbər verir ki, ötən hesabat həftəsində Birləşmiş Ştatların neft istehsalı 97 min barrel azalaraq gündəlik orta hesabla 11,4 milyon barrel səviyyəsində olub.
Keçən həftə ABŞ-ın neft idxalı əvvəlki həftəyə görə 981 min barrel azalaraq sutkalıq 5,06 milyon barrel, neft ixracı isə əvvəlki həftə ilə müqayisədə 1,1 milyon barrel artaraq gündəlik 3,35 milyon barrel təşkil edib.
EIA-nın proqnozuna görə, cari ildə Birləşmiş Ştatların neft hasilatının gündəlik 11,1 milyon barrel, gələn il isə 11,5 milyon barrel olacağı gözlənilir.
Xatırladaq ki, ötən il fevralın 22-28-ni əhatə edən həftədə ABŞ-ın neft hasilatı sutkada orta hesabla 13,1 milyon barrelə çataraq rekord səviyyəyə yüksəlmişdi.
ABŞ 2018-ci ilin noyabrında Səudiyyə Ərəbistanı və Rusiyanı geridə qoyaraq dünyanın ən böyük neft istehsalçısı olub.