BMK LAYİHƏSİ PİLOT PROQRAMININ ÜÇÜNCÜ İŞTİRAKÇISI MÜƏYYƏNLƏŞDİRİLDİ
AKİL-dən AZƏRTAC-a bildirmişlər ki, “Dəvəçi Broyler” korporativ idarəetmə təcrübələrinin təkmilləşdirilməsinə çox meyilli olduğuna görə seçilmişdir. İndən belə cəmiyyətin fəaliyyət sahəsi genişlənəcək və o, mövcud korporativ idarəetmə təcrübələrinin qiymətləndirilməsi, korporativ idarəetmənin təkmilləşdirilməsinə dair məsləhətlərin verilməsi, korporativ sənədləri ən yaxşı təcrübələrə uyğunlaşdırmaq üçün onların yenidən baxılmasında, şəffaf və dolğun maliyyə hesabatlarının hazırlanmasında yardım edilməsi xidmətlərini də göstərəcəkdir. Müəssisənin menecmenti layihənin seminarlarında iştirak etmiş, məsləhətlər almış və müvafiq məşğələlər keçmişdir.
“Dəvəçi Broyler” AKİL-in açıq səhmdar cəmiyyətləri üçün Model Nizamnaməsini qəbul etmiş ilk Azərbaycan şirkətidir.
Xatırladaq ki, “AzəriQazBank” Açıq Səhmdar Cəmiyyəti bu ilin yanvarından, AZEL səhmdar cəmiyəti isə apreldən proqramın iştirakçılarıdır. Korporativ idarəetmə təcrübəsinin təkmilləşdirilməsində maraqlı olan istənilən səhmdar cəmiyyət Pilot Proqramında iştirak üçün AKİL-ə müraciət edə bilər.
Bölmənin digər xəbərləri
