BMT-nin İnkişaf Proqramının nümayəndələri ekologiya parkında olmuşlar
Bakı, 22 iyul (AZƏRTAC). BMT-nin İqlim Dəyişmələri üzrə Çərçivə Konvensiyasının icrası ilə bağlı Bakıda səfərdə olan BMT-nin İnkişaf Proqramının nümayəndələri Azərbaycan Respublikası Dövlət Neft Şirkətinin (ARDNŞ) Ekologiya İdarəsinin ekoparkında olmuşlar.
AZƏRTAC xəbər verir ki, Ekologiya İdarəsinin rəisi Azər Əliyev ekologiya parkının yaradılmasının məqsədi, təyinatı, həmçinin ARDNŞ-nin “İqlim dəyişmələrinə təsirin azaldılması üzrə strategiya” sənədi ilə əlaqədar görülən işlər barədə qonaqlara ətraflı məlumat vermişdir.
Parkla tanışlıqdan sonra qonaqlar Azərbaycan ilə bağlı milli fəaliyyət planının hazırlanması haqqında məlumat vermişlər. Sənədin hazırlanmasında ARDNŞ-nin təcrübəsini nəzərə alaraq bu sahədə Azərbaycan Respublikasının Dövlət Neft Şirkəti ilə əməkdaşlıq etməkdə maraqlı olduqlarını vurğulamışlar.
Sonda digər məsələlər barədə fikir mübadiləsi aparılmış və birgə əməkdaşlığın vacibliyi qeyd edilmişdir.
Bölmənin digər xəbərləri
