Bakı, 15 oktyabr, Emil Eyyubov, AZƏRTAC

“Booking.com” saytı mobil əlavələrin istifadəsi barədə tövsiyələrdən tutmuş daha az populyar istiqamətlərin tədqiqatınadək qarşıdakı ildə səyahətçiləri daha nələrin gözləyəcəyindən yazır.

Təkcə növbəti ilin yox, həm də yeni onilliyin gəlməsi ilə səyahətçilərin tələbatları, davranışı və meyilləri dəyişir. Müasir dünya və onun sakinləri bir yerdə durmur. “Booking.com” şirkəti 2020-ci ilin misli görünməyən kəşflər, travel-texnologiyalar, getdikcə artan məsuliyyət, insanların getdikləri yerlə bağlı daha dərin əlaqələr ili olacağını gözləyir.

AZƏRTAC xəbər verir ki, “Booking.com” 29 ölkədən olan 22 mindən çox səyahətçi arasında aparılan qlobal tədqiqatın nəticələrinə əsasən bu qənaətə gəlib.

1. Daha az populyar olan şəhərlərə səyahət

Gələn il səyahətçilər populyar yerlərə səfərdən imtina etməyi planlaşdırırlar. Bu, overturizmin ətraf mühitə vurduğu ziyanı azaltmaq məqsədi daşıyır. Bu sorğuya istifadəçilərin üstünlük verdiyi amillər nəzərə alınmaqla, şirkətlərin müvafiq funksiyaların tətbiq olunması ilə cavab verməsi gözlənilir. Nəticə etibarilə, turizm ekosistemi çərçivəsində əməkdaşlığın genişləndirilməsi dərk edilmiş turizm və daha az populyar olan regionların infrastrukturunun yaxşılaşdırılması barədə maarifçilik kampaniyalarının sayının artmasına gətirib çıxarır.

2. Texnologiyalar köməyə gəlir

Səyahətçilər 2020-ci ildə əsas qərarları qəbul edərək texnologiyaların köməyindən daha çox istifadə edəcəklər. Bizim gözəl planetimizin müxtəlif guşələrinə səyahət üçün istiqamətlərin seçimi baş gicəlləndirir. Qarşıdakı ildə müəyyən qərar qəbul etməkdə “ağıllı” texnologiyalar bizə yardımçı olacaq. Biz sərfəli fərdi tövsiyələr alacaq və daha əvvəllər ağlımıza gətirmədiyimiz milyonlarla yeni imkan barədə öyrənəcəyik. Bu, məlumatların axtarışında vaxta qənaət etməyə və səyahətin hər anından həzz almağa imkan yaradacaq.

Belə sorğuya cavab olaraq, 2020-ci ildə sizin zövqünüz, əvvəlki səyahətləriniz və hava, populyar yerlər kimi digər amillərə əsaslanan variantlar təqdim edən süni intellekt elementləri ilə xidmətlər daha çox meydana çıxacaq.

3. Müntəzəm tempdə səyahət

Mühüm olan nəyi isə əldən buraxmaq qorxusu və hansısa yeniliyin ardınca qaçmağın əvəzinə 2020-ci ildə müntəzəm templə səyahət arzusu gələcək.

Yerləşmə üsullarının müxtəlifliyi səyahət tempini azaltmağı arzu edənlərə çox uyğun gələcək: velosipedlə, tramvayla, xizək və qayıqda, hətta piyada! Bir sözlə, bizi tələsik olmayan və xüsusi səyahətlər gözləyir.

4. “Hər şeyə çatdırmaq” devizi ilə səyahət

Müasir həyat tempi ucbatından bizim sevimli məşğuliyyətimizə az vaxtımız qalır. Lakin bu, bizə səyahət etməkdə mane olmur. 2020-ci ildə insanlar səyahətlərin maksimum dərəcədə faydalı keçməsinə səy göstərəcəklər. Öz vaxtlarını müəyyən bir məşğələyə həsr etmək əvəzinə səyahətçilər bir yerdə daha çox görməli yerləri seyr etməyə çalışacaqlar. Maraqlı səyahətdən maksimum imkanlar əldə etmək üçün travel-sənayenin inkişafının davam edəcəyi və bizə müxtəlif marşrutlar təklif edəcəyi gözlənilir.

Şəxsi villanın eyvanından gözəl mənzərəni seyr etməkdən tutmuş, tarixi abidələr, gün ərzində yorulduqdan sonra dincəlmək mümkün olan möhtəşəm parklar və çimərliklər və ya yerli restoranlarda gözəl şam yeməyinə qədər hər şeyin olduğu yerləri təsəvvür edən “Booking.com” istifadəçiləri Montevideo (Uruqvay), İlyabela (Braziliya) və Nahanın (Yaponiya) adını daha çox çəkirlər.

5. Sevimli ev heyvanları ilə birgə səyahət

2020-ci ildə sevimli ev heyvanları ilə səyahət yeni mərhələyə keçəcək. Gələcəkdə biz görəcəyik ki, söhbət istiqamət seçimindən və səfərdə yerləşmə məkanından getdiyi bir vaxtda səyahətçilər ev heyvanlarının rahatlığını öz rahatlıqlarından necə üstün tuturlar.

Artan tələbatla əlaqədar “Booking.com” saytında yerləşdirilən, ev heyvanları ilə bərabər müsafir olmağa icazə verilən məkanların sayı artır. Ev heyvanlarını ən müxtəlif xidmətlər və rahatlıq, o cümlədən spa, nömrələrin xüsusi xidməti və hətta restoran gözləyir. Bir sözlə, 2020-ci ildə “dördayaqlı” müsafirləri beşulduzlu otellərin təəssüratları gözləyir.

6. Nəvələrlə ürəyinizcə olan istirahət

2020-ci ildə nənə və babaların orta nəsli evdə qoyaraq öz nəvələri ilə səyahət edə biləcəkləri səfərlər populyar olacaq.

Yaşlı nəslin nümayəndələrinin hazırda daha gümrah və sağlam olmalarını nəzərə alsaq, nənə və babalar, həmçinin onların nəvələri üçün aktiv istirahət məqsədilə səfərlərin sayı artırılacaq.

7. “Dadlı” təəssüratlar

2020-ci ildə səyahətçilər səfər üçün istiqamət seçərkən özlərinin qastronomik maraqlarını rəhbər tutacaqlar. Bir çoxları üçün səyahət vaxtının seçilməsi onların yerli mətbəxə malik restoranlardan birində stolu bronlamasından asılı olacaq. Çünki həmin restoranlarda yerlər aylarla qabaqcadan tutulur. Bununla yanaşı, sosial şəbəkələrdə tövsiyələrin müxtəlifliyini nəzərə alsaq, seçiminiz restoranın gurultulu adı ilə heç də üst-üstə düşməyə bilər. Qastronomik səyahət həvəskarlarını, ilk növbədə, turistlərə az məlum olan, yerli əhali arasında isə populyar olan yerlər cəlb edir. Onlar oraya əsl ev mətbəxi yeməklərindən dadmaq üçün gedirlər.

Sizin qastronomik turunuzu əvvəlcədən planlaşdırmağınızı tövsiyə edirik. Bu, yeni restoran yaranan kimi hamıdan əvvəl ən maraqlı olanı görmək fürsəti əldə etmək üçündür.

8. “Qızıl illər”də səyahətin planlaşdırılması

Təqaüdə çıxmaq dedikdə çox vaxt bu, müəyyən yaşa çatmaq və işdən getmək, çox vaxt da macəralı səfərlər təsəvvürü yaradır. 2020-ci ildə dünyagörüşünün dəyişməsi tendensiyası nəzərdə tutulur: səyahətçilər özlərinin “qızıl illər”ində gözəl səyahətlər planlaşdırırlar.

Rusiyadan olan səyahətçilərin təxminən yarısı (48 faiz) maraqlı səyahəti təqaüdə çıxdıqdan sonra planlaşdırır. Rəyi soruşulanların 27 faizi isə qeyd edirlər ki, uzunmüddətli səyahətlər hər yaşda maraqlı ola bilər. Təqaüdə çıxmaq müxtəlif yaş qruplarında səyahətə yollanmaq təsəvvürü yaradır. Bununla bağlı turistlərin bazarda gördükləri ərzaqlar onları çox tezliklə həyatlarının ən uzunmüddətli məzuniyyəti üçün vəsait yığaraq, səfərin planlaşdırılmasına sövq edə bilər.

“Booking.com” portalının baş vitse-prezidenti və marketinq üzrə direktoru Aryan Deyk deyib: “Biz travel-sənayenin anlayan, hər şeyi bilmək istəyən və texniki cəhətdən yetişmiş səyahətçilərin sorğularına səyahəti hər kəs üçün əlçatan edən xidmətlər və məhsullar təklif etməklə cavab verəcək yeni onilliyə qədəm qoyuruq. Biz turist axınının səviyyəsini azaltmaq məqsədilə səfərlər üçün alternativ variantlar təklif edirik. Biz daha fərdi tövsiyələr təklif edir və dünyanın hər yerindən olan istifadəçilərin qala biləcəyi yerləşmə obyektlərinin müxtəlifliyini dəstəkləyirik. Çünki biz səyahətçilərin zəruri vasitələrlə, 2020-ci ildə və sonrakı illərdə səyahət perspektivləri ilə təchiz edilməsinə əmin olmaq istəyirik”.