Boris Conson yenidən özünü təcrid edib
London, 16 noyabr, AZƏRTAC
Böyük Britaniyanın Baş naziri Boris Conson koronavirus testi müsbət olan millət vəkili ilə görüşdükdən sonra özünü təcrid edib.
Baş nazir cümə axşamı günü millət vəkili Li Anderson ilə təxminən 35 dəqiqə vaxt keçirib. Daha sonra millət vəkilinin koronavirus testi müsbət nəticələnib.
Conson öz “Tvitter” hesabından açıqlama verərək bildirib ki, onda koronavirusun əlamətləri yoxdur, lakin qaydalara riayət edərək özünü təcrid edib.
Nazirlər Kabinetindən edilən açıqlamada da Baş nazirin səhhətinin yaxşı olduğu və virusun əlamətlərinin olmadığı açıqlanıb.
Qeyd edək ki, Boris Conson martın 27-də koronavirusa yoluxsa da, müalicə alaraq sağalmışdı.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
