Böyük Britaniya NATO müdafiə bankına qoşulmağı nəzərdən keçirir
Bakı, 26 iyul, AZƏRTAC
Böyük Britaniya NATO-ya üzv ölkələrin hərbiləşdirilməsini maliyyələşdirmək üçün Kanadanın rəhbərlik etdiyi Müdafiə, Təhlükəsizlik və Dözümlülük Bankına (DSRB) qoşulmağı nəzərdən keçirir.
AZƏRTAC xəbər verir ki, bu barədə “The Sun” nəşri məlumat yayıb.
İddiaya görə, Böyük Britaniyanın yeni maliyyə naziri Con Hili layihəyə 1 milyard avro ianə edilməsinə qarşı çıxan sələfi Reyçel Rivsdən fərqli olaraq, DSRB-yə qoşulmağı dəstəkləyir. Bundan əlavə, Böyük Britaniyanın müdafiə naziri Uez Stritinq də təşəbbüsə müsbət yanaşır.
Daha əvvəl Albaniya, Belçika, Yunanıstan, Kanada, Latviya, Lüksemburq, Rumıniya, Türkiyə və Ukraynanın DSRB-də iştirak etmək istədiyi açıqlanıb. Baş ofisi Monrealda yerləşən konsorsium hərbi layihələri maliyyələşdirmək üçün 134 milyard dollara qədər vəsait cəlb etməyi hədəfləyir.
Bölmənin digər xəbərləri
