Böyük Britaniya qoşunlarının Ukraynaya göndərilməsi şərtini açıqlayıb
Bakı, 13 yanvar, AZƏRTAC
Britaniya Silahlı Qüvvələrinin Müdafiə Qərargahının rəisi, hava marşalı Riçard Nayton bildirib ki, Ukraynanın təhlükəsizliyinə tam əminlik olmadığı təqdirdə, münaqişə başa çatdıqdan sonra belə Ukraynaya qoşun göndərilməyəcək.
AZƏRTAC xəbər verir ki, bu barədə “Sky News” telekanalı məlumat yayıb.
Riçard Nayton Britaniya qoşunlarının Ukraynaya göndərilməsi halında təhlükəsizlik zəmanətləri ilə bağlı sualını cavablandırarkən qeyd edib ki, nazirlərin dəstəyi ilə qərarlar qəbul edilərkən hərbi komandirlərin rolu risk səviyyəsini qiymətləndirmək və yerləşdirilmənin faydalarının potensial risklərdən üstün olmasını təmin etməkdir.
Vurğulayıb ki, Ukraynada yerləşdiriləcək Britaniya qoşunlarının kifayət qədər təhlükəsizliyinə dair təminat olsa belə, real əməliyyat mühitində sıfır risk anlayışı mövcud deyil.
Bölmənin digər xəbərləri
