Böyük Britaniyada karantin müddəti mart ayına qədər uzadılıb
London, 28 yanvar, AZƏRTAC
Böyük Britaniyada karantin müddəti mart ayına qədər uzadılıb.
AZƏRTAC xəbər verir ki, Baş nazir Boris Conson fevralda bitməsi düşünülən karantin müddətinin uzadılacağını açıqlayıb.
O bildirib ki, virusa yoluxmada və ölüm saylarında azalma müşahidə edilmədiyi üçün müddətin uzadılmasına qərar verilib. Conson məktəblərin ən tez martın 8-dən sonra açılacağını bildirib.
Qeyd edək ki, Krallıqda Milad bayramından sonra bütün məktəblər, ticarət mərkəzləri, vacib olmayan mağazalar və idman mərkəzləri bağlanıb.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
